بدع وجواب بيني وبين ماجد باخريبه هذا المساء الجمعه10/2/2017
ماجد باخريبه:
معد شي زين في ذه لرض قم بالسافر الديره~
وبي عود النظر والسمع عندك مثل ماقد كان
سالم الطفح:
جعثنا اااااااالفقر لاهو ادمي بلعن شطافيره
من اسبابه تعاتب يدي اليسراء على ليمان
ماجد باخريبه
ولك بتعود كل حاجه .........ولاكن شي ماغيره
معد بي عود في ارض اليمن لك قرشك الحنان
سالم الطفح:
بلدنا وضعها مزري يجيب ااااااااالهم والحيره
وفبها الذيب باماجد يخضع ف الغنم والضان
ماجد باخريبه:
خلص خلك على منته علاه اصبر على صيره~
ونا لاجار وقتي...... باصبر شفني على شمسان
سالم الطفح
: لعاد هذه ولاهذا نفع ولعاد لهم سيره
على لساني وقد حطيتهم في خانة النسيان
ماجد باخريبه:
تقل المقدره والباب لا ربخت مساميره~
معد تبصر في الدنياء تعدل شوكة الميزان~
سالم الطفح:
معاد شي عافيه وابليس ينفخ في مزاميره
ويتبرع ويتقزح على صوت الغناء والدان
ماجد باخريبه:
وذي يصفق معه ذا الوقت ذي في حسب تفكيره~
حنا التجار والفقري العمودي هو.ويا بقشان~
سالم الطفح:
مداره واسعه وكل واحد قصر الشيره
الى الركبه ومتلبس ويلقي طعن بن علوان
ماجد باخريبه:
سمر طارف وذي يطعن اكيد انه معه بيره~
وذي عصرته لا الركبه نته صاحي وهو سكران~
سالم الطفح
: انا فزعان لي خلف الستر لاتجيه تعشيره
ومن فوق الموافر ماتوطو نزغة الشيطان
ماجد باخريبه:
لعد تفزع على شله تحب الحقد والغيره~
مسك في ناس ياسالم تراعي الجود والاحسان~
سالم الطفح:
عليهم حوش والنجار قد جهز مساميره
يصلح باب ع التربه وقد قطب له العيدان
ماجد باخريبه:
حجيل الحوش متؤطي لعد يتعب مناشيره~
ولا صمم ••يصلح باب قله يرفع البنيان~
سالم الطفح:
بغاء اربع بلك ذلا........... وباندفع مخاسيره
مقابرهم عزيزه ..........بانخليها كما الروشان
ماجد باخريبه:
اذا خلصت ذا المشروع لي حظر تقاريره~
وباساعدك في لربع بلك والطين والاكفان~
سالم الطفح
: صبر لحظه معي موتر نحطه فوق منتيره
معاد يقرع وفيه الزيت من جنبه كما المعيان
ماجد باخريبه:
تضلي به تخجخج متوقف كثرت مشاويره~
ثلاث ايام في جده واربع في وصط جيزان
سالم الطفح
: على شان المعيشه مانبا الجرسه ولا النيره
عليها باصبر لما يفرجها عظيم ااااااااااالشان
ليست هناك تعليقات:
إرسال تعليق