سمرة في *قروب واحات الشعر*
المغني محمد بادحمان
هاني دعكيك:👇🏻
ذا فصل والثاني علينا القفل ضايع والغلق
واربع مشاكل جاتني عوفه تجيب الانحباط
سالم الطفح:👇🏻
يا عالم الاسرار يا بلجود يا رب الفلق
جنب عبيدك ناس تحت الشعق يلقون الخياط
هاني دعكيك:👇🏻
ياما على بالي ولكن خاف من بعض السلق
ياسالم الغربه بغت واحد يجيد الانضباط
سالم الطفح:👇🏻
البعد والغربه تجيب الهم وتجيب القلق
من مات ماضني ترجعه المدامع والعياط
هاني دعكيك:👇🏻
بصبر على الغربه وبدعي ذي بقدراته خلق
ادم ومن ادم خلق حوا و بمشي عالصراط
سالم الطفح:👇🏻
لي مامعه عدي يشوف الموت قدامه حلق
دايم عزيز النفس ماحد فيه يادعكيك شاط
سالم الطفح:👇🏻
الحوض مابقربه لي فيه الضفادع والعلق
والجابيه لاغلقت عندي جوابي احتياط
هاني دعكيك:👇🏻
الهيج في مرصنه لاتقولون روح وانطلق
مابطلقه لما تدفعو لي عليكم من قساط
سالم الطفح:👇🏻
القسط باندفعه لكن وين مسمار الذلق
لي بايعدي في السواري والمكاسر والقلاط
هاني دعكيك:👇🏻
كل العدد عندي وبافلقه ذيهو مفتلق
لو بانهاجر من بلد بدرة ونسكن في مشاط
سالم الطفح:👇🏻
لي كان يلبس ع الحراير قده ينشد ع الخلق
من بعد ماقد كان تاجر قده فقري ع البلاط
ليست هناك تعليقات:
إرسال تعليق