الخميس، 16 فبراير 2017

بدع وجواب انا وبن شريفان

((بدع وجواب ))

جمع كلن من الشاعرين العملاقين

((الشاعر علي بن شريفان الخليفي ))

((والشاعر سالم بن حميد الجعيدي المري))

وإليكم بدع الشاعر علي بن شريفان
👇🏻👇🏻👇🏻👇🏻👇🏻
انفض وراق الغصن لخضر وخل العود
عشان يرجع عصا سمحا ومبرووووشه

هش الغنم بالعصا لاجات مرعا الذود
واتوك لا قد قدامك شبه مرعووووشه

عصاه بيضاء دليلك والبصر مفقووود
لا قد عيونك بماء لوهاااام مخبوشه

كااااااانت تغذي ورق صفرا واربع سود
واطرافها الزاااااايفه خضرا ومنفوشه

ما هي ظلالك ولا يكهل ورقها الدوود
تكبر وتثمر ثماااااار الضغط والحوشه

اما الغصوووون المنيفه تثني العنقود
عنقودها في خمر والغصن في العوشه

لا جاااااات عجه وهزت مشعفات النود
جذورها الماكنه في القاااااع مفروشه

تكننك تحتها وتكنن الموجوووووووود
لو كان حطااااااااب مع فاسه وشاكوشه

في ظلها موقده من عودها موقووووود
مشذبه جانحه في راااااااااااااسها فوشه

متمايله تبعد الحااسد من المحسووود
في الجوووو والنذل ملقي تحتها دوشه

شجره عريقه دفاها يدفي المبروووود
واثمارها من مزووووون المسك مرشوشه

وانا عليها مكلف من امير الجوووووووود
مرشد سيااااحي معي جندي بطربوشه

في كل موسم لها منتج قده مجرووووود
تعطي عطا قيمته في السوق مخدوشه

ماهي كما ذي تبيع التمر بالعنقووووود
في العود زينه وفي المكياااال مغشوشه

((وهذا جواب الشاعر سالم بن حميد الطفح الجعيدي المري ))

👇🏻👇🏻👇🏻👇🏻👇🏻
العلم عند العظيم الواحد المعبود
يعلم بحاجات  مخفيه   ومفتوشه

لاقال كن بايكون الشي بهبة نود
عسى بعفوه نهار الناس مربوشه

ذي هو بذكره يلين القاسي الجلمود
ماتنفع  الادمي   سلطته   وقروشه

نهار ماينفع المكسب ولا المردود
نهار ماتنفع السرقه ولا الهوشه

يقول كل من  كفر   ياريتني   مولود
فوق السراط الرجول تقول محشوشه

نهار   كل   الخلايق   حبلها   مشدود
على العزوبي وذي جالس في الكوشه

لاقد العمل زين مابايوصلك منقود
والاتهم   قايد   الالمان  وجيوشه

من اجل دايم يعيش الحاشي المفرود
مولاه   دوبه  يهز   العلب   وينوشه

وراعي الغنم يشتكي من حضه المقرود
البهذله والمرض والنقص في بوشه

التيس كل يوم يضوي للوصر مكرود
والكبش لحمته. من لذناب منهوشه

مسكين معاد باقي له ذهب ونقود
باقي شلنقين وسط الجيب مدخوشه

ليست هناك تعليقات:

إرسال تعليق