اهجعو ياعرب.. لاحد يشمر ذراعه روحت والحرير اللاس جاهز ومذروع بحجب العين واذني باحرمها الاذاعه يرتعب من شراره لي من النار ملذوع احذري يالساني من كلام اللكاعه مايسمى وجع الا وجع صوب ملكوع وضعنا وضع مزري.هز عقلي وزاعه الفرح من خواطرنا صبح شبه منزوع رغم هذا العنا راسي يزيد ارتفاعه عندي الحظ ميت لكن الراس مرفوع والذي هو طلع مصراه ناقص وصاعه منننا يعتبر منذو ولادته مصيوع منكم مابغينا التفرقه واااالقطاعه يابنادق لها ف الحيد نذخات وقطوع معرفتكم جسد وانتم نسمه ونخاعه لاتركتوه بايظعف وبايصير منخوع بعد كل المتاعب باتزين. الزراعه وبايصير الوفاء بين المحبين مزروع الطفح سالم

يزعل شقيق الروح

ياشيخ ماشي فرق بين اااااليوم هو والبارحه اما حياة اااالمغترب تشبه جسد من غير روح لاسمعت كلمه طيبه........... تاتيك كلمه جارحه بين الحنايا قلب كل عاشق....... ملبخ بالجروح يزعل شقيق ااااالروح لاجيته بعشقي صارحه يترك متيم فيه .....اسس له وسط قلبه صروح يعفيه في لحظه ....اذا جاب الغلط ويسامحه قف ااااالعوامر مابغا يعطف على ارض السموح حرقة دموع اااااالقهر اخطر من دموع النايحه واحرها دمع اااااااااليتيم اللي على اهله ينوح مادامت اااااااالاعمال ماتعجب ولاهي صالحه ماشي خلاف الجعث وخلاف النكد ياباصلوح تعبان وجيوش ااااااالفرح كل يوم مني نازحه وان شي بقي ف القلب يتجهز وناوي ع النزوح اتحرف القانون في ارض ااااالعرب واللايحه على اراضينا متى اااااااااالنصر المؤزر بايلوح القافله تمشي.... واصوات ااااالكلاب النابحه ماتنقطع .............وبسرنا للغير سبرنا نبوح الى متى ياناس......... ودمانا رخيصه سافحه ومطيره والغيم قد غطا قممنا واااااااالسفوح الى متى والكير راشن....... وااالمكاوي ناجحه الى متى وااالبهذله في شعب اكثرهم نجوح الى متى تصبح وتمسي .......في بلدنا قارحه من بعد نغمات الوتر نترقب اصوات اااالقروح الى متى واحنا نناظر ف اااالجيوش الجامحه تنهب مكاسبنا.. ولبعد يوم صدينا ااااالجموح الى متى نجلس نحطم ف العقول اااالطامحه ونحطم التلميذ لي عند الى ااااااالقمه طموح الى متى واااااالذيب يترقب ضهور السارحه والليل يتزبن ويضهر لاقرب وقت ااااالسروح الى متى والكل خايف من رصاصه شاطحه الي متى هذا التمادي واااااااالتكبر والشطوح الى متى صاحبي يزعل......... كلما باناصحه صحيح ان الوقت هذا مابغاء صادق نصوح على ااااالعرب لي عندهم غيره قرينا الفاتحه اهل الشهامه واااااالمعزه والتسامج والفتوح لي هم كففهم بالبطولات ااااااالعظيمه راجحه ميزانهم ماتحركت شوكته من بعد اااالرجوح اشياء كثيره في زمنا اااالعيف ماهي واضحه حاجات تحصل ماتفسر لي .ومحتاجه وضوح انها عفانه .......كل واحد بايشم ااااااااالرايحه وريحة الماء ورد وااالريحان في لحظه تروح ياريت شي عربات لللغاام ااااالتباغض كاسحه يمكن قلوب الناس ترحم بعضها بعد الكسوح ماشي فرح ف الفانيه..... كل الخواطر طافحه من لي يقع ....والعفو لاكثر بها ولد ااااالطفوح الى هنا........بختم كلامي بالعطور ااااالنافحه وعطر دهن العود لي ريحه وهو حانك يفوح الطفح سالم

صرفنا قرش

صرفنا قرش واحد جاب لي عشرين ربيه صرافتنا سوا ....والا يغالط ولد بن قحمان علينا من عليم الخافيه....... قدره اللاهيه اذا جبنا المخاوط والفتل يتطشفر المرجان اذا البكره قويه ...........عاضه باتنقر الخيه وباتقطب سلاسل ماكنه لاشافت الحشوان اذا تمت كذا...... مفروض ندحسها وهي حيه ومن بعد الدحاسه........ بانعلقها في الميزان وبانفرح.......... اذا قدها على طربال مجفيه وبعرض لحمها وسط الخريبه ببخص الاثمان سالم بن حميد الطفح

عصافير السماء

تصبح عصافير السما، فوق الغصون اتغرد طول المدي ولا بغت اجره علي تغريدها وصاحب البستان يصبح من جناه ايقرد والفاكهه الناجحه ماهو عسر تقريدها وان خانه المنتوج من بعض الدول يورد ولايفكر في جماركها ولا توريدها ماشي طري في مخزنه كله قديم مبرد ويحاسب العمال لاماحكموا تبريدها البعض من كل المبادي والقيم اتجرد والزقره المتحجبه هم سببوا تجريدها بسبابهم كم من رجل طيب يعيش مشرد وشعوب كانت مستقره سببوا تشريدها الطفح سالم

ريت بعض الناس

ريت بعض ااااالناس قال الطفح ماربى وخلف ايش نلقي ف الذي هو يحسب المعسي خليف يالذي رقبتك... ((فتله))... خذ نصيحه لاتكلف بالحمول ااالجور ياالمهتوف شف منته كليف الخواطر لا وصلها اااااالكسر صعب انها تولف تنكسر من كلمة ااااااااالغالي ومن صد الوليف الطفح سالم جمعتكم طيبه

العشق بلوى

ااااااالعشق بلوى والهوى غلاب منذو زمن .نفسسسسسي غلبها ااااااااعشق منيحه ماتبا حلاب ((((متفجحه)))) من جاء حلبها قد اصبحبت في قبضة الجلاب كلما فضي كيسه ...........جلبها الطفح سالم الله يحفظ حضرموت من كل شر

الطفح وباعبد

بدع وجواب بين سالم الطفح والشاعر علي باعبد بوزايد ابوزايد علي باعبد👇🏻 كدر وهموم ياسالم معدشي في البلد راحه عسى الايام تصلح ماخرمه الشوك والدبوس ولكنك شكر ربك................ على ليمه وتفاحه وحذرك لاتحن للأرض ذي فيها النسم.كابوس سالم الطفح👇🏻 هنا كل شخص يفكر في مساريحه ومرواحه قدم ع الجمر يطرحها ولخرى فوق حد الموس اذا غمض عطا ياخوك من ع الفرش لحلاحه مخاشب حاده تهذا في الشجره خلاف الفوس ابوزايد علي باعبد👇🏻 ونحنا نصتلي ........في كير له نيران لفاحه ونتمسح على قبر الولي والشيخ بامشموس بغينا اااااااااالخير. لكن مانظرنا خير في الساحه نشوف العزف سابر والوتر مقطوع في القنبوس سالم الطفح👇🏻 في الغربه فراشي قهر واااااالاهات طراحه ودمعاتي مخده والنكد حبوتي والملبوس ومركب امنياتي صك به في حيد ملاحه وخف الظيم فوقي يرتقص ياباعبد ويدوس ابوزايد علي باعبد👇🏻 حسدكم ع الحياه وكنت ظن الورد في الواحه تشمه دايما والحب صافي مادخله السوس ولكن بعد ماقلته كرهت البعد وسلاحه خير لي موت فقري قبل مااطمع في ذهب وفلوس سالم الطفح👇🏻 عذر مخلوق منهك لك كشف مكسبه وارباحه وذاق الذل بعد الفشخره والعز والناموس مشتت يوم في جيزان واربع داخل الباحه وباندعي عسى ربك يصلح وضعنا الملموس ابوزايد علي باعبد👇🏻 معد باقول شي كم.طير وقته قصقص اجناحه وكم مخلوق يضحك والضحك.يبغى حنك وضروس عسى وقت الندم.حزنه يهب و تّعود افراحه نعيش احلامنا وختامنا في جنة الفردوس